"Sukoon ke Pal"

Dodhte bhagte din ki thakaan se hote huye
kaam ke bojhse lipte huye se..Kuch pal sukun se bhare huye se…
Aaj fir humse aa mile...
Tumhare raste par..tumhare sath chalna..
Wo rukna aur usse khud ko..
Tumhare aur qareeb paana..
Kuch alag si hi baat thi..
Jaane kya cheez tumhe mujhtak fir khich layi..
Uss par tumhari bate..dil karta sunti jau bas..
Subah se sham tak..har pal naya sa lagne laga..
Tumhe dekhte aur sunte..vaqt bhi mano rukne laga..
Sham ko thaki huyi si aakhe
Na rukte huye, wo badhti huyi si bate..
Tumme kuch naya sa mai paati gayi..
Vaqt ke thamne ke sath sath
Khud ke thamne ka bhi pta nahi chala..
Apne aap se hoti huyi…tum tak mai aati gayi…
Aisa pehle nahi hua kabhi..
Ye kyu mai sochti rahi..tumhari ankhe kuch kehtihai..
Jo tum nahi kehte..kyu usey maan lene ko mann kartahai..
Inn palo me tumhe jaan lene ko mann karta hai..
Tumhare sath chalte rehna kyu dil chahta hai…
Tum kya sochte ho ye toh pta nahi…
Par tumhare sath vaqt bas tham sa jata hai…