Nadiya Kinarey

Nadi Kinare baithe wo yahi sochti rahi..
Iski lehre mujhse kitna kuch kehti hai…
Iski na koi shuruat hai..na koi ant…
Kabhi ye lehrati, jhumti hui bas
ek hi or mud jati hai…
aur kabhi mano apne aap se bate karti…
tham si jati hai…
Ye sab..kuch apne me sama leti hai…
Boht batain, yadaian, kisse, kahaniya..
Iski  lehro ki oat me chupe baithe hai..
Aur iske aanchal ke saye se use dekhte rehte hai…
Rukti hai, chalti hai, jhumti hai,machalti hai..
Jaha naya mod aye..thodi dair tham kar…
Ye fir se naya safar shuru karti hai…
Jab bhi dekho, ek sakun se me rehti hai…
Par kahan…sukun me rehti hai..
Kabse ise dekhne ka khyal uske man me tha..
Aaj jana toh dekha ki …
Iske sukun me kitna shor hai..
Par phir bhi..bina ruke..bina kuch soche…
Sabko deti hai, milti hai, chalti hai…